Youth Empowerment Seminar, ginanap sa Lingayen

Isang youth empowerment seminar ang ginanap sa Lingayen, Pangasinan na dinaluhan ng mahigit isang daang mga kabataan mula sa iba't ibang bayan ng probinsya. Ito ay aktibidad ng provincial government of Pangasinan na ginanap nitong Pebrero 9-10, 2013.

Ang naturang seminar ay naglalayong maibahagi ang kaalaman tungkol sa I Love Pangasinan Campaign ng probinsiya, makilala ng mga kabataan ang Pangasinan sa iba't ibang aspeto gaya ng heograpiya, statistika, populasyon, mga produkto at iba pa. Nais ding maibahagi ang tulong para sa mga kabataan sa pamamagitan ng grupong Y4CD. Ang Y4CD o "Youth for Change and Development" ay isang samahan ng mga kabataang may edad na 18-25 anyos na nakatira sa Pangasinan. Ang grupong ito ay naglalayong  tumulong sa kapwa kabataan para mapabuti ang komunidad. Ang pokus ng grupong ito ay ang turismo, teknolohiya, edukasyon, envuronment preservation at livelihood o employment.

Group Activities during Youth Empowerment Seminar

Ang target ng trainor's training na ito ay ang makalap ang lahat ng mga kabataan sa Pangasinan at lalung-lalo na ang mga out-of-school youth. Ito ay  upang mabigyan ng oportunidad at pag-asa ang bawat kabataan sa probinsya upang lalong mapaunlad ang Pangasinan. Sa pamamagitan ng  aktibidad na ito, maihahatid sa bawat kabataan ang kani-kanilang mga karapatan, mga bagong adhikain at iba pang magagawang tulong para sa Pangasinan.

Speakers of Youth Empowerment Seminar

Ilan sa mga nagbahagi ng kanilang kaalaman at kwento ay sina Sir Joe Mark Pardiñas, Sir Mel Fatric Yan, Sir Nathaniel Joel Daruy, Atty. Verna, Miss Vanj Padilla, Sir JR Padilla at ang butihing gobernador ng Pangasinan na si Gobernador Amado T. Espino Jr..

Inaasahan ang paglawak at pagdalo ng mahigit isang libong mga kabataan sa susunod na pagsasagawa ng nasabing aktibidad.